點解我可以日日都有睇唔順啊媽嘅野orz

嗨，腐腐，又係我迷惘嘅中二生～
呢篇野超級無敵長啊，加油腐腐。同樣地，唔一定要比到好多解決方案，腐腐好似筆友咁傾計就ok。

其實前排，我真係受唔住啊媽成日唔想負責任，於是我就同佢家姐講，佢家姐除咗師奶啲之外其實都算ok ge，所以佢就肯幫我。ps 唔知我有冇講
過，但我啊媽就係好鍾意踩低我哋嚟抬高佢啲家姐同姨甥，所以我先會揾佢屋企人搞。總之所以佢先有睇順啲我哋。

但最近佢開始變返同以前一樣好多怨言，而且佢有個壞習慣就係好鍾意嘲笑。最近我因為多咗時間，所以跟咗啊爸學煮野，最近學識咗炒菜。今日我啊媽所以就無端端嗌我煮蕃茄炒蛋，我其實都冇所謂嘅，因為我覺得我煮得好食過我啊媽啲野(*/ω＼*) 亦都知道啊媽都係得個講字，我之前煮嘅佢次次都食一啖就唔食，所以我都知啊媽根本就唔期待我自己煮得點。

咁我煮完就同佢哋講啦(其實係因為我唔想洗鑊(<_<) 我啊爸就話佢幾鍾意洗鑊，我就想比佢洗。 但我啊媽就入嚟廚房，望住個sink盤有廚餘又喺度嘲諷式笑，我but飯唔小心跌咗小小又笑，最搞笑係我去洗碗，佢仲好嬲咁話:比啊爸洗咪得囉，做咩而家洗啊！？雖然呢啲都唔算係啲咩大件野，但佢態度真係好差囉，好影響我心情㗎嘛。(後嚟諗返佢咁樣做應該係因為佢以為我煮完嗌佢哋係因為我叫佢執野，因為我啊媽好智障，佢閱讀同溝通能力都負數咁，又成日帶有色眼鏡嚟睇我哋)

我真係好憎佢囉，所以我之前先會日日唔理佢，嗰陣認真講句真係好爽，我真係感受到啊媽嘅負面情緒係幾咁影響人。不過我而家透過佢家姐逼到佢負責晒我哋嘅餐費，所以我就惟有理返佢。

其實我啊爸唔想我咁做㗎，因為我啊爸真係愛過一個人就返唔轉頭，寧願憎嗰啲影響佢嘅人，佢成日都話佢好憎我啊媽啲家姐同姨甥。但我呢14年都好似冇鍾意過啊媽咁，我仲記得我5 6歲左右時，我問自己:點解我好似一直都鍾意啊爸多過啊媽嘅? 總之我由細到大都好唔鍾意啊媽，我對佢啲家姐姨甥冇咩感覺，因為我好肯定我啊媽變成咁樣，95%都係我啊媽有問題。講真，家姐姨甥咁多，邊會個個都生性，係我啊媽係都要聽小小佢哋講嘅野就放大晒，例如叫佢唔好食咁多肉，佢就真係一啲肉都唔食。

講起嚟，腐腐上次問我啊爸可唔可以封鎖經濟，其實我啊爸已經差唔多封鎖晒比啊媽嘅經濟，所以我啊媽其實係用自己私己錢嚟炒股。我而家嘅諗法就只有，而家儘量等啊媽嚟比錢，減低啊爸負擔，大個咗我少咗返屋企，啊媽就會後悔(佢係好犯賤㗎)，咁我就會好似啊哥而家咁，扮晒係因為太忙所以唔返得去同佢食飯，實際係唔想見佢。然後當我唔會再需要依賴佢時就完全割蓆。目的係用佢啲資源，等佢分擔啊爸嘅負擔。

腐腐會唔會覺得我好長氣(*/ω＼*) 但我又想將我嘅os寫晒出嚟。我見過有啲post好似寫eng lit啲詩，寫到好靚但完全唔明。但反正腐腐終於睇完啦，咁就陪陪我傾計啦，我好鍾意同腐腐傾計，有時候我啲朋友冇咩時間理我，但腐腐就會肯陪我傾。
ps DSE開考啦，不過我都有信心就算開考都唔會令醫療體系爆好多嘅，聽我elit老師講，佢啲醫護其實比起沙士時期有信心好多，因為唔多人死，醫護又冇事。腐腐最近喺香港定喺英國啊? NHS應該爆炸咁嘅樣，聽講唔夠裝備，排隊去診所又要成個禮拜先入得咁。腐腐都要加油啊

---

綠茶豆腐